U sjedištu Svjetske zdravstvene organizacije u Ženevi danas je počeo sastanak eksperata, na kojem će odlučiti da li će SZO proglasiti globalno vanredno stanje zbog izbijanja epidemije novog koronavirusa, koji se širi iz Kine.
Nezavisni eksperti, njih 16, iz oblasti kontrole bolesti, virologije, epidemiologije i razvoja vakcina održavaju novi sastanak iza zatvorenih vrata, nakon što juče nisu uspjeli da donesu odluku, prenosi Rojters.
Kineski zvaničnici za oblast zdrastva održali su prezentaciju putem telefonskog konferencijskog poziva i dopustile da tim Svjetske zdravstvene organizacije uđe u tu zemlju i dostavi izveštaj ekspertskom panelu.
Nakon procjene da li ima dokaza da se virus prenosi sa čovjeka na čovjeka i drugih faktora, eksperti će uputiti preporuku direktor SZO Tedrosu Adhanu Gebrejesusu, koji će doneti konačnu odluku o tome da li da bude proglašeno vanredno stanje.
– Odluku o proglašavanju vanrednog stanja shvatam izuzetno ozbiljno – rekao je juče Gebrejesus i dodao da je spreman da je donese samo uz odgovarajuću količinu razmatranja i informacija.
Ukoliko se to dogodi, to će biti šesti put da se proglašava vanredna situacija na međunarodnom nivou tokom posljednje decenije.
Agencije
